|
-------------------------------------
八、秘密揭盅
-------------------------------------
（前文提要：新搬黎既租客神神秘秘咁……不过鸡雄就好好彩识到其中
一个靓女，仲一齐拍拖去食早餐添……）
鸡雄同Carol一路都有讲有笑，不过一返到楼下，Carol即刻收哂声，
仲有少少唔好意思咁同鸡雄话：「阿雄哥，Jacky佢唔係好锺意我同人倾计
架，一阵上到去你记住扮唔识得我喎。」
「哦……」鸡雄虽然觉得有ＤＤ可疑，不过靓女叫到，当然冇话唔得啦！
入到屋，Carol敲下房门，里面即刻开门……果条仔半开住度门，仲怒
啤左鸡雄一眼，跟手一手扯左Carol返入房。临闩门果下，鸡雄仲隐约听到
佢细细声同Carol唔知讲乜野……
虽然只係望左一眼，不过鸡雄已经睇到果条仔生得非常靓仔，眼大大、
鼻高高、唇红齿白、青靓白净咁，仲几乎靓过Ｄ女仔添。难怪……唉！鸡雄
当堂自卑起上黎……
鸡雄返到茶餐厅，忙完早餐之后，趁住未到午市最繁忙时段之前既空闲
抖返啖气。佢见个肥老闆坐晌收银处叹紧报纸，就走埋去八卦两句：「喂，
老细，乜睇得咁入神呀？今日有乜大新闻咩？」
「冇喎！又冇高空掷物，又冇死人塌楼；咪又係班『尊贵』既议员晌度
闹下曾特狗咁啰……」肥老闆放低份报纸：「仲有再追下陈大富个女怀疑畀
人标左参单野啰！」
「下！乜单野仲有下文咩？陈大富唔係已经否认左喇咩？」鸡雄隐约记
得先几日睇新闻睇过。
肥老闆就话：「哦！係呀！不过今日生果报又爆料，话陈大富个女一直
都冇蒲头，怀疑佢根本未赎返出黎喎！」
「车！生果报都信得过既！」鸡雄嗤之以鼻咁笑。
「咁又係……」肥老闆都同意：「不过今次佢摷埋张相出黎喎，你睇下，
条女原来都几『试正』架喎。」
「係？咁就要见识下喇！」鸡雄一手拎左张报纸过黎，见到上面登左张
学校映果Ｄ全班大合照出黎，仲有个放大左既红圈圈住其中一个女仔添。
「普通料，一般般啦……」鸡雄一面弹一面望左两眼，张相其实都几矇，
不过勉强都睇得出个女仔既轮廓生得几靓……
「车！咁高要求？够姜就去沟件返黎畀我睇下丫？」肥老闆一句窒过
去，一手想抢返份报纸。但係鸡雄冇放手，仍然眼定定咁望实张相。
「你做乜呀？Short左牙？」肥老闆大声笑佢：「你咪话畀我听你识得佢
呀！」
「唔……唔係……」鸡雄回一回神，口窒窒咁。
……佢唔係识得陈大富个女，不过佢认得企晌佢侧边果个！
……果个，竟然係Carol！
-------------------------------------
果晚返到屋企，鸡雄一直留意往头房果边既情况，一见到Carol出黎去
厕所，佢即刻企定晌走廊等佢。
Carol去完厕所出黎，一开门就见到鸡雄企晌出面，就笑笑口咁同佢打
招呼：「雄哥，咁岩既，你又去厕所牙？」
「唔係！妳跟我黎，我有Ｄ野要同妳讲……」趁住包租公同光头伯去左
晨运未返，鸡雄神神秘秘咁拉左Carol去后门度，凑埋去细细声同佢讲：「妳
唔驶再呃我喇，我已经知道哂妳地Ｄ野！」
Carol即刻面青，有少少口震咁话：「你乱讲Ｄ乜野呀？」
「仲想呃我？」鸡雄咄咄逼人咁再贴埋Ｄ：「陈大富个女单野係咪妳地
做既？哼！估唔到妳好眉好貌，好既唔学，竟然学人去标参勒索？」
Carol既面口当堂由青变白，仲冲口而出咁话：「你……你点知架！」
鸡雄大获全胜，都唔记得左扮好人，连面目都有少少狰狞起上黎：「妳
咪理！哼！我而家就走去报警！」只手已经摸紧个手机……果阵晌佢心入面
都十五十六，谂紧唔知有冇花红呢？
「唔 ...... 剩余部分请访问 春满四合院 登录后浏览完整版
| 
发表于 2021-1-8 19:00:00