港佬狂想曲（十二）（粤语版）

sunray

-------------------------------------
（港佬狂想曲）（粤语版）
作者：Sunray
-------------------------------------
十二、忘命天涯（本章无色）
-------------------------------------

　　（前文提要：鸡雄嗒左Carol只处女猪之后，送左佢返屋企。不过就要暂时
代为照顾Jacky，连买Ｍ巾呢Ｄ咁私人既野都要代劳……）

　　如是者足足过左个几星期，Carol净係打过两次返黎搵Jacky，而且因为要避
开屋企人既监视，所以每次都係晌街度打，讲左冇两句就琴琴青收线。Jakcy等到
鬼死咁心急，但又唔敢打电话搵Carol喎……又过多几日，Jacky终于忍唔住，夜
晚等鸡雄一放工返到屋企就拉住鸡雄，要佢陪佢落街打电话搵Carol。

　　「阿雄哥，我求下你，同我落街打电话啦！」Jacky好难得咁低声下气。

　　鸡雄岩岩返到黎，知道出面落雨落到好似落狗屎咁，当堂冤起块面：「阿Jacky
哥，我都求下妳啦，而家落到咁大雨，不如等Ｄ雨停左先啦……」

　　「唔得呀！」Jacky好似想喊咁：「我实在太挂住Carol喇……佢……佢已经
成个星期冇打过电话畀我喇……」

　　鸡雄吞左啖口水，其实佢自己反而日日都有同Carol倾电话，今日晏昼Carol
先岩岩Call过鸡雄，话已经谂清谂楚，都係唔捨得爹地妈咪，所以正考虑紧点样
同Jacky讲分手……Carol又话好挂住鸡雄，好想见佢添，Ｄ语气仲有些少怕怕丑
丑咁，引到鸡雄几乎要走入厕所打返次飞机。

　　不过见到Jakcy果副好似死左老豆咁既口面，鸡雄当然唔敢同佢讲啦。

　　「阿雄哥，我求下你丫！我真係好挂住Carol，好想听下佢把声呀……」讲完
真係喊左出黎。

　　鸡雄一见到女人Ｄ眼泪就冇哂办法，就算果个係男人婆都一样，唯有即刻举
手投降：「好！好！我同妳去……唔该妳即刻收声先啦……」

　　Jacky当堂开心到声泪俱下，左一手眼泪，右一手鼻涕咁，捉实鸡雄只手猛咁
摇。

　　鸡雄叹左口气，唯有死死地气拎左两把遮，陪左Jacky落街。佢地唔敢晌附近
打电话，只有冒住大雨行多两条街口，搵左个公众电话亭。Jacky即刻扑左入去，
好心急咁入钱打电话，仲紧张到连个大饼都跌左落地添……

　　果阵Ｄ雨落得鬼死咁大，鸡雄就算担住把遮一样全身由头湿到落脚。佢睇住
Jacky晌电话亭里面讲到好似好激动咁，心知Carol梗係讲紧唔肯同佢走佬既事。
Jacky越讲越激，一面讲一面猛咁用拳头打个电话亭块玻璃，仲打到「砰砰」声响。
鸡雄又唔係担心会畀Jacky打烂，因为果块係不碎胶，佢担心Jacky只手多Ｄ……
因为佢见到Jacky个拳头已经打到流哂血。

　　最后，佢听到Jacky大声咁嗌左两声：「Carol……」跟住就揽住个电话晌度
大声喊……忽然间又发左狂咁冲左出黎，好似黐左线咁晌条街度乱走乱叫，又乱
咁踢街边Ｄ路牌同垃圾桶，完全唔理自己成身都畀Ｄ雨淋到湿哂。

　　鸡雄见佢癫成咁，都唔敢行埋去劝佢，只有任得Jacky癫左一阵……不过终于
都係唔忍心，冲上去想拉住佢。点知Jakcy癫起上黎，扯住鸡雄就乱打乱踢，口里
面大声喊住话：「Carol唔要我……Carol唔要我……」鸡雄中左佢几野，虽然唔
係好痛，可过个心都嬲嬲地，于是又行埋一边唔鬼啋佢。

　　只见Jacky发完一大轮癫之后，终于都静返落黎，成碌木咁企晌路中心，任Ｄ
雨照头淋……

-------------------------------------

　　鸡雄陪住Jacky晌大雨中淋左大半粒钟，真係又冻又饿，有几次真係想丢低佢
一个人 ...... 剩余部分请访问 春满四合院 登录后浏览完整版