|
-------------------------------------
九、攻陷女同志（上）
-------------------------------------
（前文提要：神秘租客原来係大富豪个离家出走既宝贝女，仲係女同黎
添。鸡雄见Carol咁靓女，但係就要畀Jacky呢件男人婆霸住，认真徙料！
竟然斗胆到同Jacky争女，仲炒大镬添。Carol夹左晌中间，都几可怜架……）
原来Jacky自细就有同性恋倾向，最憎男人，剩係锺意女仔。佢老豆陈
大富见个女成日同Ｄ女仔群埋一齐，而且仲越来越过份，惊佢真係会变左「蕾
丝边」，所以咪想迫佢去外国留学，由佢晌果边既妈咪看管啰。点知Jacky
已经沟掂左Carol，仲搞到难捨难离添。陈大富嬲起上黎，一于棒打鸳鸯，
唔单止唔畀Jacky返学，直头软禁左佢晌屋企，谂住到时就押佢上飞机。
压力越大、反抗就越大！Jacky偷偷地走左出黎，仲叫埋Carol一齐着
草走佬添。好彩CarolＤ旅行证件畀妈咪Keep住，所以先走唔成咋。最后
佢地决定先匿埋一头半载，谂住慢慢迫Jacky老豆就範。反正Jacky同Carol
手头都大把钱，平时佢地两个Ｄ零用钱加埋已经足够佢地一、两年既生活
费。由于唔敢太张扬，所以佢地先至会拣左大角嘴呢Ｄ旧区，谂住实唔会畀
人发觉；点知最后都係衰左晌鸡雄呢条无聊兼八卦既麻甩佬手上。
鸡雄听完佢地个古仔之后，心里面又试十五十六。佢当然好想要果五十
万花红啦！不过又唔想畀个坏印象Carol喎……
呢次死火喇！鸡雄怀疑自己可能锺意左Carol添喎！
「点呀？反悔拿？决定左要几多未呀？」Jacky见鸡雄唔出声，又开始
串佢：「睇死你係见钱开眼果Ｄ贱人黎架啦！Carol，妳咪听佢点啦！」
「有钱唔係大哂架！我一毫子都唔会要！」鸡雄掘左佢一眼，把心一横，
索性扮正义扮到底：「妳放心……我唔会爆你地出黎既！」跟住又补充话：「不
过我只係畀面Carol，唔係因为妳个死男人婆！」讲完又眼金金咁望实Carol。
Jacky一睇就知鸡雄对Carol起痰，当堂又想发难：「你个死人猥琐佬想
点呀？我话你听……你咪驶旨意沟我条女呀！」不过又畀Carol拉住左。
Carol就喊哂口咁：「Jacky，你咪咁啦！雄哥都唔係咁意思！」
「咪係！好人当贼扮！畀个良心你就当狗肺！」鸡雄乘机落井下石：「而
且就算我真係想沟Carol，你又奈得我何咩？妳以为你自己真係男人牙！你
冇柄架！」
畀人督正死穴，Jacky唔嬲就瓦烧，Carol禁都禁唔住！唯有琴琴青扑过
黎推左鸡雄出房。Jacky唔敢出黎，Carol就拉左鸡雄埋一边。
鸡雄见Carol仲係梨花带雨咁，就捉实佢对手道歉：「对唔住呀！我头
先专登激Jacky架咋！因为我见佢对妳咁恶，实在睇唔过眼。」
「我知道……」Carol伸手抹左Ｄ眼泪：「其实你肯同我地保守秘密，我
好多谢你呀！Jacky佢平时唔係咁架，佢好温柔架。」
「係咩？我睇唔出喎！」鸡雄又啤左下晌门罅度庄出黎既Jacky一眼：
「咁啦，Carol，以后如果你地有Ｄ乜野需要帮手既，就搵我啦！」
「真係？」Carol好开心咁望实鸡雄：「我想同爹地妈咪报个平安呀……
我呃佢地同同学去宿营。过左成个星期，佢地一定会好担心架！」
「乜妳冇打电话返去咩？」
「我唔敢呀！」Carol眼湿湿咁：「Jacky话佢爸爸同我爹地咁熟，一定
会怀疑我跟左佢走架！话唔定仲会请私家侦探偷听我屋企电话添，佢惊会畀
人查到我地匿晌边度喎。」
「咁又係……」鸡雄记得睇电视剧，Ｄ警察都可以凭住个电话就查到Ｄ
疑犯既位置晌边度。
「咁妳特登去郊区打电话咪得啰！」鸡雄谂到条计：「拿，直头去离岛
搵间渡假屋再打电话返屋企，扮真係同第二个宿紧营啰！」
Carol谂左一谂：「 ...... 剩余部分请访问 春满四合院 登录后浏览完整版
| 
发表于 2021-1-8 19:00:00